Líkanið metur raunfylgi flokkanna út frá fylgiskönnunum og leiðréttir
fyrir kerfisbundnum mun milli könnunaraðila — hver aðili hefur sinn
hóp þátttakenda og eigin aðferðafræði, og því geta sumir flokkar
mælst aðeins hærra eða lægra eftir fyrirtækjum. Til þess notast
líkanið við kannanir og raunúrslit kosninganna 2018 og 2022.
D'Hondt-aðferð breytir svo hverri fylgissviðsmynd í úthlutun
á 23 borgarstjórnarsætum.
Niðurstaðan er ekki ein tala heldur líkindadreifing yfir mögulegar
útkomur. 90% óvissubil þýðir að í 90 af 100 sviðsmyndum
líkansins endar fylgið innan þess bils — fimm sinnum fyrir neðan og fimm
sinnum fyrir ofan. Þegar punktur í þróunargrafinu er fyrir ofan línuna er
fylgi flokks ofmetið í þeirri könnun miðað við matið okkar; fyrir
neðan línuna er það vanmetið.