Prósent 8. nóvember

Prósent birti í dag nýja könnun á fylgi stjórnmálaflokkanna. Hér munum við bera saman niðurstöður könnunarinnar við spá kosningalíkansins okkar og meta hvort niðurstöðurnar séu í samræmi við væntingar.

Með því að bera saman spá líkansins við raunverulegar niðurstöður kannana getum við metið hvort þróun fylgis flokkanna sé í samræmi við söguleg mynstur eða hvort eitthvað óvænt sé að gerast.

Athygli vekur að Sósíalistaflokkurinn mælist með 6,7% fylgi í könnuninni, sem er töluvert hærra en spágildi líkansins sem var 4,3% (90% óvissubil: 2,9-6,0%). Þetta er umtalsverð hækkun fyrir flokkinn og gæti gefið til kynna að fylgi hans sé að aukast meira en gæti talist hrein tilviljun. Hins vegar skulum við hafa í huga að samkvæmt skilgreiningu á 90% óvissubilum er viðbúist að einn gagnapunktur lendi fyrir utan bilið. Því á heldur ekki að koma á óvart að einn flokkur mælist fyrir utan spábilið.

Aðrir flokkar mælast nær spágildum líkansins. Samfylkingin mælist með 21,6% sem er nálægt miðgildinu (22,2%), Viðreisn með 17,1% samanborið við miðgildi upp á 16,9%, og Miðflokkurinn með 15,1% sem er nákvæmlega sama og miðgildið (15,1%). Þetta bendir til þess að fylgisþróun þessara flokka sé nokkuð fyrirsjáanleg og í samræmi við væntingar líkansins.

Lýðræðisflokkurinn mælist með 1,4% fylgi sem er við neðri mörk matsins (90% öryggisbil: 1,0-3,7%), en mikil óvissa er í spám fyrir nýja flokka.

Nánari upplýsingar um aðferðafræði líkansins má finna hér.

Spáð og raunverulegt fylgismat könnunar
		Spá
Flokkur	Könnun	Miðgildi	90% Óvissubil
			Neðri	Efri
Samfylkingin	21.6%	22.2%	18.8%	25.5%
Viðreisn	17.1%	16.9%	13.9%	20.1%
Miðflokkurinn	15.1%	15.1%	12.2%	18.1%
Sjálfstæðisflokkurinn	12.3%	13.7%	11.1%	16.4%
Flokkur fólksins	11.5%	11.2%	8.7%	13.9%
Sósíalistaflokkurinn	6.7%	4.3%	2.9%	6.0%
Framsóknarflokkurinn	5.8%	5.8%	4.1%	7.6%
Píratar	5.7%	5.5%	3.8%	7.3%
Vinstri græn	2.6%	3.1%	1.8%	4.5%
Lýðræðisflokkurinn	1.4%	2.1%	1.0%	3.7%