Aðferðafræði.
Hvaðan koma tölurnar á /sveitarfelog/husnaedi, hvað er innifalið og hvað er ekki.
Húsnæðisstofn
Fjöldi íbúða er talinn úr fasteignaskrá HMS. Íbúðir á matsstigi 7 eða 8 teljast fullbúnar; aðrar eru taldar ófullbúnar og falla ekki hér með. Tölur eru áramótastöður (árslok hvers árs). Árið 2026 er hluti árs: staðan 12. maí 2026. Það sést aðeins, í ljósari lit, í myndritinu um árlega breytingu og er ekki notað til að reikna vöxt eða fjölda fullorðinna á íbúð.
Fullorðnir íbúar
Mannfjöldi 18 ára og eldri úr Hagstofu Íslands, MAN02005. Eldri sveitarfélög
sem hafa sameinast eru lögð saman undir núverandi afmörkun (sjá
sameininganlista í scripts/build_husnaedi.py).
Mannfjöldinn miðast við 1. janúar en íbúðafjöldinn við árslok. Hvert ár ber því saman fullorðna í upphafi árs og íbúðir í lok þess, með næstum árs millibili.
Þróunarmæling
Báðar línur sýna uppsafnaða % breytingu frá grunnári til 2025. Grunnárið er sjálfgefið 2017 en það má velja frá 2005 til 2024, og þar er breytingin 0%. Lína ofar þýðir að sá þáttur hefur vaxið hraðar frá grunnárinu. Kvarðinn er sameiginlegur, svo lóðrétt bil milli línanna er samanburðarhæft milli sveitarfélaga.
Hvar stendur þitt sveitarfélag?
Punktaritið sýnir % breytingu fullorðinna (lárétt) og íbúða (lóðrétt) frá sama grunnári til 2025. Brotalínan markar jafna % breytingu íbúða og fullorðinna. Punktur ofan við hana: íbúðum hefur fjölgað hlutfallslega meira en fullorðnum. Neðan við hana: öfugt. Stærð punkts ræðst af fjölda fullorðinna árið 2025.
Fullorðnir á hverja íbúð
Hlutfall fullorðinna (18+) á hverja íbúð. Hærri lína = meiri þéttsetning.
Árleg breyting á íbúðafjölda
Dálkar sýna mismun á íbúðafjölda milli áramótastaða — nettóbreyting á stofninum, ekki fjöldi nýbygginga. Inni í tölunni eru nýjar íbúðir, niðurrif, endurflokkun matsstigs og leiðréttingar í fasteignaskrá. Þekktir frávikspunktar:
- Grindavíkurbær 2025–2026: íbúðirnar standa áfram en eru lítið nýttar eftir rýmingu vegna eldsumbrota; áramótastaðan breytist því aðeins lítillega þrátt fyrir að íbúum hafi fækkað verulega.
- Fljótsdalshreppur 2005–2009: skráðum fullorðnum íbúum fjölgaði tímabundið vegna framkvæmda við Kárahnjúkavirkjun en íbúðafjöldinn stóð í stað.
Það sem er ekki á síðunni
- Verð — hvorki kaupverð né fasteignamat.
- Leiga.
- Sumarhús (sérstakt mælaborð hjá HMS).
- Íbúðir í byggingu (sérstakt mælaborð hjá HMS).
- Ófullbúnar íbúðir (matsstig undir 7).
- Fjöldi nýbygginga á árinu (sjá Húsnæðis- og mannvirkjastofnun).